Smachtbhannaí Pobalbhunaithe

 

What Community Based Sanctions are Used in Ireland?

 

Financial Penalties

In Éirinn, cuimsíonn smachtbhannaí pobalbhunaithe de ghnáth pionóis airgeadais, orduithe promhaidh, orduithe seirbhíse pobail agus smachtbhannaí nach pionóis choiméadta iad. Cuimsíonn pionóis airgeadais de ghnáth fíneálacha, orduithe cúitimh agus/nó tabhartais don bhosca déirce. Is iad fíneálacha na pionóis is minice a ghearrann na cúirteanna. Agus é/í ag socrú ar mhéid na fíneála, ní mór do Bhreitheamh acmhainní airgeadais an chiontóra a thabhairt san áireamh agus a chinntiú go bhfuil an fhíneáil i gcomhréir le tromchúiseacht an chiona. Tá an uasfhíneáil gur féidir leis an gCúirt Dúiche a ghearradh teoranta ag an reacht a chruthaíonn an cion nó ag an Acht um Nós Imeachta Coiriúil 1967.  Má theiptear fíneáil a íoc, féadfaidh suas le 90 lá príosúnachta a bheith de thoradh air. Is iad orduithe cúitimh na dara pionóis airgeadais is minice a ghearrtar agus éilítear ar an gciontóir cúiteamh airgeadais a íoc don íospartach chun íoc as an díobháil a tharla de bharr an chiona. Is iad tabhartais don bhosca déirce an pionós airgeadais is annaimhe a ghearrann na cúirteanna agus éilítear ar an gciontóir tabhartas a thabhairt do charthanas ainmnithe mar mhalairt ar chiontú a fháil.

---

Probation and Supervision

Gearrtar orduithe maoirseachta promhaidh, maoirseacht le linn pionóis a chur siar agus orduithe seirbhíse pobail go coitianta sa Chúirt Dúiche. Déanann an tSeirbhís Phromhaidh maoirseacht ar chiontóirí a fhaigheann a leithéid d’orduithe. Is gníomhaireacht í an tSeirbhís Phromhaidh laistigh den Roinn Dlí agus Cirt, Comhionannais agus Athchóirithe Dlí, a bhfuil sé mar aidhm aici an choiriúlacht a laghdú agus sábháilteacht an phobail a mhéadú trí chiontóirí a bhainistiú sa phobail, trí dhul in aghaidh iompair chiontaigh/ghoilliúnaigh agus trí athimeascadh ciontóirí a éascú. Tá foráil reachtúil struchtúraithe i gcomhair ciontóirí a mhaoirsiú sa phobal ar fáil san Acht um Promhadh Ciontóirí 1907 a chuireann an bonn le hobair phromhaidh in Éirinn.

Is éard atá i gceist le horduithe maoirseachta promhaidh ná go bhfanann an ciontóir faoi mhaoirseacht oifigigh phromhaidh ar feadh tréimhse arna cinneadh ag an gcúirt agus d’fhéadfaí coinníollacha breise a bheith i dteannta leis, amhail cuirfiúnna agus srianadh ar chomhluadar, ag brath ar imthosca an cháis.  Tá claonadh ar bhreithimh maoirseacht a ordú agus pionós á chur siar chun an deis a thabhairt don chiontóir a léiriú go bhfuil sé toillteanach géilleadh d'idirghabháil ar leith. Éilítear ar an gciontóir le horduithe seirbhíse pobail obair neamhíochta a dhéanamh sa phobail chun aisíoc as an damáiste a tharla de bharr an iompair chiontaigh.

---

Other Options

I measc na roghanna eile atá ar fáil don chúirt, tá an rogha ann an cás a chur ar atráth, an cás a dhíbhe agus bannaí síochána, agus eile. Tá roinnt smachtbhannaí pobalbhunaithe ann a bheidh ar fáil d'ógchiontóirí faoi Acht na Leanaí 2001.

---

Le haghaidh tuilleadh faisnéise ar úsáid pionós pobalbhunaithe in Éirinn, tabhair cuairt le do thoil ar láithreán gréasáin na Seirbhíse Promhaidh agus Leasa ag http://www.probation.ie agus/nó amharc ar na staitisticí thíos.

 

 

Ar Ais go dtí an Barr